كلمات سرقت من طفل

كلمات سرقة من دفتر طفل

لكل كلمه يلقيها الطفل سبب ومغزى محدد انظرو بأنفسكم
الى مااشار اليه هذا الصغيرفي كتاباته...

هذه كلمات مسروقه من دفتر طفل كتبها بعامية اللغه ..ودهشة السؤال!!

السبت
فتحت عيوني ..أدورعن نور..امروني>> (غمض)..وغمضت..وبعدها ماشفت لاأبيض ولا أسود!!!

الأحد
كنت اسمعهم يقولون:<ألعن أبوك>,<ياحمار>,<ياحيوان>,<ياثور>,<يابقره>,.يالوح>, <ياجدار>..
فتوقعت أني في حديقة حيوانات..فتحت عيوني أبغى أشوف (هالحيوانات)..قالو لي مايصلح تشوف..قلة ادب..سألتهم فيه عصفور؟؟؟
صرخوا بوجهي وقالو <انطم وغمض>!!!

الأثنين
سمحو لي أشوف التلفزيون..كنت لحالي منسجم مع أفلام الكرتون..دخلت أمي ..وكان ابو عائلة ادمز (يبوس)أمهم..ركضت أمي ..وغيرت القناه ..وصرخت بأعلى صوتها..(عيب عليك..قاعد تشوف قلة أدب)..!!ناظرتها بكل برائها وانا متعجب من اللي صار"طيب وش صار" ابوهم يبوس أمهم!.."قالت لي وهي معصبه مرررررررررره (التبويس قلة حياء)!!
بعدها باسبوع شفت أمي تسلم على أم الجيران و(تبوسهاااااا).وقلت لها وأنا كلي أسى"ياماما التبويس قلة حياء"!!

الثلاثاء
كانو بنات خالتي عندنا..وكنت الولد الوحيد بينهم..وأبوي بس يبحلق عيونه فيني وين مارحت ون ماجيت...بعد ماراحو ناداني أبوي وقال "عيب الواحد يجلس مع بنات قلة ادب"!!
بعدها بكم يوم...كان أبوي جالس مع عماتي ..ناظرته بطرف عين(وتبون الصدق نقدت عليه)..وقلت له اللي يجلس مع بنات قليل ادب....

الأربعاء
كنت اسمعهم يقولون صدام قوي...وأعجبني ..بعد الأزمه..قالوا(مجرم وحرامي) سألتهم كيف؟؟قالوا حرامي ومجرم بس واسكت..!!)
وكنت اسمعهم يقولوا جيم كاري (فاسد)فكرهته على طول....وكانوا يشوفون أفلامه ويضحكووووووووون..كنت اسألهم:ليش تضحكون؟!ماتقولون انه فاسد..قالوا وراء ماتنطم وتسكت....!!!

الخميس
أبوي يقول التدخين حرام..واللي يدخن يدخل النار..وفي يوم شفت ابوي جالس مع صديقه أبو حمد... وأبو حمد ماسك السيجاره بيده..وقفت وسألت أبوي ""طيب اللي يجلس مع اللي يدخنون..يدخل النار بعد""!!!

الجمعه
أسمعم يقولون اللي يطول في مكالمته يغازل؟؟..واللي يروح للسوق يغازل...واللي يعرف انترنت يغازل..وأمي تطول على التليفون..وتروح السوق..وتطقطق على الكمبيوتر..رحت لأبوي وأنا مصدووووووم.."ابوووووووووي ألحق أمي تغازل........!!!

من امهم اننا اذا منعنا الطفل من فعل شي أن نذكر له سبب منعنا له.....