ضيف هذا الاسبوع على كرسي الإعتراف العضو (أبوهلال)

مزاجي مزاجي مزاجي خلاص وحدة وحدة مو زي كذا ترى تعبتني
في المجموعة الأولى من الأسئلة ..

يلا نبدأ التحقيق والإعتراف في آخر جلسه معاك في أسبوعك

وأترك مجال لغيري من الأعضاء ،،،

( الأسئلة )

* كيف ترد على الإشاعة وعلى من يقول أن (مزاجي) هو الأستاذ زيد الحازمي
وأنا أقول أن هذا الكلام ليس صيح وأنا لا أحب أن أكون غير أنا نفسي فقط ؟
حبيبي مزاجي شوف يا إبن الناس ترى أنا ما يهمني تكون زيد الحازمي أو غيرو خلينا صريحين
دائماً أي منتدى المهم فيه المواضيع الهادفة والردود في حدود الأدب والفكاهيه في نفس الوقت وبصراحة
هذا الشي من صفاتك فلو كنت زيد أو غيروا أنا ما أعرف إلا مزاجي وحيكون إسمك مزاجي على طول وما حرد عليك إلا وإنته مزاجي أتفقنا

* إين إلتقطت صورتك الرمزية ؟
والله في لبنان في منطقة إسمها مغارة جعيتا

(هل) ؟
*هل تنظرلإسم الكاتب أم لما يكتب ؟
طبعاً لما يكتب ، وفي كثير من الكتاب في هذا المنتدى ما تعجبني كتابتهم فأتصفح الموضوع فقط

*هل أنا ثقيل دم وأسئلتي كثيره ؟
لا والله دمك خفيف وأسئلتك الكثيرة مفيدة ولا بد منها

*هل أنا غطلت على أحد ؟
بالردود والمواضيع لا ماغلطت على أحد ودائماً ردودك ومواضيعك في حدود الأدب

*هل تتمنى رحيلي ؟
بالطبع لا وأنا من أكثر الناس إللي زعلو لما قرأت موضوعك في القسم العام

(لماذا) ؟
*لماذا المعلم يضرب ألف حساب للمشرف التربوي .
أي موظف يعمل حساب للشخص إللي تقييمو في يدو والمشرف التربوي رقبت المعلم في يدوا بنسبة 70%

*لماذا كله عند العرب صابون .
هههههههههههههههههههههههههه
لأنو كلو عند العرب صابون والصابون مع كثرة الإستعمال ينتهي فكل شي عند العرب منتهي زي الصابون
وبلاش ندخل في شي محنا قدوا ................................

*لماذا محضري المختبرات و الحاسب الآلي مهضوم حقهم .
والله في نظري ما خذين أكثر من حقهم كفاية إنهم ماعندهم شغل وياخذو راتب

*لماذا الحضران ما يخدموا بعض .
والله هذي المصيبه لأن الحضر مو زي البدو البدوي إذا ماخدم أهلوا وأقاربو وجماعته حسير زي المنبوذ عندهم
وهذا الشي مو عندنا الحضر يعني تلاقي الناس يروحوا للشخص المهم الحضري ويضحكو لو وياسيدي وياعمي وياتاج راسي وبعد مايخرج من عندو شوف الكلام إلي ينقال ( شوف إبن ............ ماخدمنا مافي خير وبرضوا يروحو له طيب تبغانا نخدم بعض والله ما عمرهم يخدمو بعض طول ماراسنا مطاطي للكبار )

( متى ) ؟
*متى تشعر بأنك صغير .
لما يكون في واحد تافه كنت تقلو روح البيت يابابا واليوم يجي ويغلط عليك يحسب نفسو رجال ومافي إحترام لفارق السن

*متى تبكي من قلبك .
لما تشوف غيرك تعبان من هذي الدنيا وإنته تعبان بس بتنام وإنته تضحك وهو بينام وهو جيعان ويبكي

*متى تقول أنا آسف .
لما أغلط على أحد

*متى تبطل دخّان .
والله من يوم ما أبعد عن المدخنين وهذي هيا المصيبه

(كيف) ؟
*كيف تسعى لتطوير المنتدى .
طبعاً بالمواضيع الهادفه وطبعاً بالإستفاده من أمثالك

*كيف تستقبل وجهة النظر المخالفة لوجهة نظرك .
برحابه صدر زي ماقال المثل وللناس فيما يعشقون مذاهبو

*كيف تبدأ يومك .
والله كل يوم بشكل يعني حسب الوضع والحاله

*كيف حالك .
بخير إنته كيف حالك هههههههههههههههههههههه

*كيف تحل مشكلة .
بمعرفة سبب المشكلة

( من ) ؟
وياريت بالأسماء .
* من الأعضاء تشوفوا غريب ؟
لا يوجد
* من الأعضاء .... ماعندو ثقافة ؟
لاتعليق وكل واحد عارف نفسوا
* من الأعضاء يعجبك أسلوبه ؟
كثير مزاجي أبو صبري أبو عبدالله كونش ...............
* من الأعضاء تتمنى معرفته عن قرب ؟
بصراحة وبدون زعل مزاجي بس لا يزعل ويسيب المنتدى إذا فيها زعل مو لازم
* من الأعضاء مضيفه في الماسنجر ؟
أحمد بلابل فقط وياريت أضيف البقية وإنته منهم يامزاجي
* من الأعضاء .... تتجنب الرد في مواضيعه ؟
كثير ومعليش ما أقدر أذكر أسماء
* من الأعضاء ... مرح وقلبو كبير ؟
سجين أستاذ بدنية أبو صبا وغيرهم كثير
* من الأعضاء ..... تتمنى وقف عضويته .
لا أحد لا أحد لا أحد كل شخص ولي فايده حتى لو كانت محدودة وهذا المنتدى للجميع

ترى كنت أمزح في البداية وإنته عارف إني ما أستغنى عنك في المنتدى ولا تخاف ما ححطك في كرسي الإعتراف عشان أنا ما أحب أحد يضغط عليا وهذا حق شخصي من حقوقك وترى أنا مستعد لكل أسئلتك
وبالنسبة للأسماء هذي فيها تجريح وأنا ما أحب أجرح فياريت نكون أحباب وبلاش نزرع ضغينة بيننا من
البداية وكل واحد عارف نفسو وفعاليتوا في هذا المنتدى فمايحتاج إني أجرحوا بذكر إسموا

وياشباب سامحوني أنا ومزاجي ترى نحب نطولها وهيا قصير خ خ خ خ خ خ خ خ خ خ خ
وفين الأسئله يا شباب الخالدية ياباردين ترى محد قاعد يشتغل إللى مزاجي ومدة كرسي الإعتراف قربت تنتهي

والله مشكور يا أبو صبري على هذا الإطراء وأنا إللي ليا الشرف
إني كنت أول عضو على كرسي الإعتراف مع أني ما أنسألت كثير
بس كنت فرحان وجاوبت باللي يرضي ضميري وبكل صراحة
أما إنته ياعبادي والله ما أدري هو في حرب عالمية ثالثة أولا
مو قلت إني أكره التاريخ عشان كذا لا تتوقع مني أي شي يخص التاريخ
ومزاجي يعطيك العافيه وأنا والله كنت سعيد جداً بأسئلتك وجاوبت بكل صراحة
وطبعاً كلكم تنتظرو العضو إللي بعدي وترى أنا فكرت كثير وكان في بالي كم عضو
بس قررت آخذ من الأعضاء إللي ما سئلوني وفي النهاية وبعد مشاورات ولما سويت
الخيرة أتفقت مع نفس إنو يكون .............................................
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
::::::::::::::::::::::::::::::::::::::::::::::::::::::
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ عااااااااااااااااااااااااااااااااا
باااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
طيب عارف إنكم طفشتو
بس أنا قررت أنو يكون عبادي زبرماوي وهو إللي جاء في بالي وإن شاء الله يوافق وإذا ما وافق يقلي
عشان أختار غيرو بس حعتبرو جبان مع إحترامي لو

وطبعاً أول سؤال حيكون لو
زي العادة بطاقة تعريفية
الإسم
العمر
طالب أم موظف
الهوايات
الأشياء إللي تحبها
الأشياء إللي تكرها
وكمان ليش أطلق عليك لقب تمساح
والبقية في العدد القادم
ومع التحيه لكل من سألني والعذر والسموحة لكل من أخطأت بحقة
وسامحوني ياشباب أخوكم وحبيبكم أبو هلال